Wezareta Perwerdeya Kurdistanê li ser dersa 'Perwerdeya Îslamî' daxuyanî da

PeyamaKurd - Wezareta Perwerde ya Kurdistanê li ser nûçeyên ku dibêjin, li Kurdistanê dersa perwerdeya Îslamî hatiye rakirin ragihand, dersa “perwerdeya îslamî” ji nav bernameya xwendin û perwerdê nehatiye rakirin.

Wezareta perwerdeya Kurdistanê bi daxuyaniyekê ragihandiye, "Wisa hatiye belavkirin qaşo dersa “perwerdeya îslamî” ji nav bernameya xwendin û perwerdeyê hatiye rakirin. Ew agahî rast nîne ji ber ku tiştekî wisa nehatiye kirin."

Di daxuyaniyê de hatiye gotin, "Ew pirtûk û ders ne hatine rakirin, ne jî dê bên rakirin û ne jî planek wisa heye. Berovajî wê yekê, gelekî hatine pêşxistin. Mixabin hinek kes vê yekê wek kartekê bo berjewendiyên xwe yên siyasî û hilbijartinan bikar tînin."