Wêneyê cenazeyê zarokê Kolber xelata salê wergirt

PeyamaKurd - Wênegirê Kurd ê xelkê bajarê Sine yê Rojhilatê Kurdistanê, Abid Celîl Puran, bi wêneyê cenazeyê Ferhad Xusrewî yê temen 14 salî di 17emîn Pêşengeha Wêneyan de, xelata wêneyê salê ya 2020an wergirt.

Kolberê Kurd Ferhad Xusrewî yê temen 14 salî, sala borî dema kolberî dikir, li bilindahiyên Jalane ya Hewramanê di nav berf û seqemê de qerisî bû û can dabû.

Herdu zarokên Kurd ên kolberî dikirin, Azadê temen 17 salî û Ferhadê 14 salî yên birayê hev, xelkê gundê Nê yê Merîwanê ne ku dema Kolberî dikirin li bindahiyên Jalane ya Hewraman di nav berfê de winda bûbûn û piştre cenazeyên wan hatibûn dîtin.