Vîrûsa Korona cûreya Omicron gihîst Siûdî û Îmarata Erebî

PeyamaKurd – Vîrûsa Korona cûreya Omicron gihîşt Siûdî û Îmarata Erebî û yekem haletên pêketinê hatin tomarkirin.

Wezareta Tendirustiyê ya Siûdiyê diyar kir, welatiyekî Siûdiyê ku ji bakurê Efrîkyayê vegeriya bû, vîrûsa Omicron hilgirtibû û ew kesê bi Omicronê ketiye û kesên ku pêwendî pê re kirine, bi awayekî cuda hatin kerentînekirin.

Wezareta Tendirustiyê ya Siûdiyê welatiyên xwe agahdar kir ku xwe derzî bikin û daxwaz ji geştiyaran kir, dema vegerin xwe kerentîne bikin.

Ji aliyekî din ve, Wezareta Tendirustî û Xweparêziyê ya Îmarata Erebî eşkere kir, yekem haleta pêketina bi Omicronê li wî welatî hat tomarkirin.

Herwiha destnîşan kir, ew pêketiya Omicronê jinek e, ji Afrîkayê vegeriyabû û di çend welatên Ereb re jî derbas bibû.

Wezareta Tendirustî û Xweparêziyê ya Îmaratê amaje bi wê jî kiribû, wê jinê her du daneyên derziyê jî wergirtibûn.