Trump: Rêberên Îranê şerxwaz in
Serokê Dewletên Yekbûyî yên Amerîkayê (DYA) Donald Trump îdia kir ku rejîma Îranê ji kesên "pir tundrew û şerxwaz" pêk tê û got ku eger Îran çekên atomî bi dest bixe, ew dikare wan li dijî Îsraîl û welatên herêmê bi kar bîne.
RûpelNews - Trump her wiha matmayîna xwe li hember berteka Îranê ya li dijî êrîşên DYA û Îsraîlê anî ziman û diyar kir ku rejîma Tehranê piştî şer êrîşî Erebistana Siûdî, Qeter, Mîrnişînên Erebî yên Yekbûyî, Behreyn û Kuweytê kiriye.
"Qabiliyeta leşkerî ya Îranê hatiye tune kirin"
Trump, ku îdia kir ku hêza leşkerî ya Îranê bi piranî hatiye ji holê rakirin, anî ziman ku serkirdayetî, hêza hewayî û sîstemên parastina hewayî yên welêt zirareke giran dîtine.
Trump her wiha îdia kir ku di dema tepeserkirina xwepêşandanan de li Îranê hejmareke mezin a mirovan hatine kuştin.
