Trump girtina bi temamî ya asmanê Venezuelayê xwest

PeyamaKurd- Serokê Amerîkayê Donald Trump, li dijî Venezuelayê pêngaveke nû avêt û got, divê qada asmanî ya Venezuelayê bi temamî were girtin.

Serokê Amerîkayê Donald Trump, li ser Truth Socialê derbarê Venezuelayê wiha got: "Ji bo hemû hêlên asmanî, pîlot, bazirganên madeyên hişbir û qaçaxçiyên mirovan, ji kerema xwe re divê asman û derdora Venezuelayê bi temamî werin girtin."

Piştî vê daxuyaniya Trump, nirxandinên ku wê Amerîka operasyoneke leşkerî li Venezuelayê pêk bîne hatin kirin, lê berpirsên Amerîkayê ji medyaya welatê xwe re ragihandine ku haya wan ji ti operasyonên leşkerî yên li Venezuelayê nîne.