Trump: Tengava Hurmuzê bi temamî di bin kontrola me de ye
Serokê DYAyê Donald Trump îdia kir ku Amerîkayê "kontroleke tam" li ser Tengava Hurmuzê saz kiriye. Trump, ku diyar kir ku Washington dê kontrola xwe ya li ser herêmê biparêze, nivîsa xwe, ku tê de anî ziman ku Îran ne di rewşê de ye ku bersivê bide, bi gotinên "Şikir ji Xwedê re" bi dawî kir.
RûpelNews - Serokê DYAyê Donald Trump bi rêya hesabê xwe yê Truth Social derbarê Tengava Hurmuzê û Îranê de daxuyaniyek da.
Trump, ku îdia kir ku DYA li ser Tengava Hurmuzê "kontroleke tam" heye, got, "Ez bawer dikim ku em dê parastina vê kontrolê bidomînin."
Trump destnîşan kir ku blokadeya deryayî ya ku ji aliyê DYAyê ve li herêmê hatiye danîn wekî "Dîwarê Polayî" tê zanîn, û anî ziman ku Îran di bersivê de "tiştekî" nikare bike.
Hêza leşkerî ya Îranê kir hedef
Derbarê rewşa leşkerî û aborî ya niha ya Îranê de Trump tekez kir ku hêzên deryayî û hewayî yên welêt êdî nemane û Sûpaya Pasdaran jî bi giranî hatine bêbandor kirin.
Trump diyar kir ku li Îranê mûçeyên leşkeran nayên dayîn û serokatiya welêt di rewşeke "ne diyar" de ye.
Her wiha rewşa aborî ya Îranê jî kir hedef, Trump got, "Pereyê wan tune ye. Welatê wan di rewşeke 'hilweşandî' de ye."
Trump, ku îdia dikir Îran êdî nikare wek berê li herêmê tevbigere, got, "Îran niha tenê diaxive; nikare tiştekî bike; ew êdî ne zordarekî Rojhilata Navîn e."
Trump nivîsa xwe bi gotinên, "Şikir ji Xwedê re be!" bi dawî anî.
