Trump cezayên ser Tirkiyê îro îmze dike

PeyamaKurd – Hat ragihandin ku wê Serokê Amerîkayê Donald Trump, budçeya sala 2020an a berevaniya Amerîkayê ku cezayên ser Tirkiyê jî tê de cî digirin a 738 milyar dolaran îro îmze dike.

Di budçeya parastinê ya sala 2020an de ji ber kirîna S400ên Rûsî û xeta borûya gazê ya ligel Rûsyayê ji aliyê senatoya Amerîkayê ve, dorpêç li ser Tirkiyê hatibûn sepandin.

Herwiha di projeyasaya hatiye pejirandin de, balafirên F-35an jî nadin Tirkiyê ku di çarçoveya yasaya CAATSA ya Amerîkayê de ew dorpêç hatine sepandin.

Serokomarê Tirkiyê Recep Tayyip Erdogan li ser biryara senatoya Amerîkayê ya dorpêçan gotibû, ew ê jî bersiva Amerîkayê bidin û dê herdu alî jî zirarî bibînin.

Trump jî beriya niha ragihandibû ku ew dê projeyasaya budçeya berevaniyê îmze bike ku dorpêçên ser Tirkiyê jî tê de cî digirin.