Tirkiyê karwanekî din ê leskerî sand Idlibê

PeyamaKurd - Li gorî medya nêzîkî Opozisyona Sûriyê, Tirkiye karwanekî alîkariyên leşkerî ku ji 100 barhilgiran pêk hatibû ,ji deriyê Kifr Losîn derbasî parêzgeha Idlibê kir.

Li gorî medya Opozisyona Sûriyê, di nav wî karwanî de, tank, zirîpoş û pergala berevaniyê jî hebûn.

Di dema hefteyekê de Tirkiyê 700 wesayît û barhilgirên tijî alavên leşkerî derbasî Idlibê kiriye.

Piştî rûdana aloziyan li derdora Idlibê û êrîşa artêşa Sûriye ser hêzên Tirkiye û kuştina gelek serbazên wan, rewş li deverê gelek metirsîdar e û Tirkiye hêzên nû dişîne herêmê. Êrîşên artêşa Sûriye jî, bi piştgiriya Rûsya liser Idlibê berdewam e.