Tirkiye hewl dide Idlibê ji destê Rûsan xelas bike

PeyamaKurd - Hat ragihandin ku Tirkiyê ji bo çareserkirina qeyrana Sûriyê pêşniyareke nû pêşkêşî Rûsyayê kiriye.

Li gor vê pêşniyarê wê grûbên Îdlibê bibine yek û hêzên artêşa Sûriyê derbasî vê herêmê nabin. 
Li gorî nûçeya ISNAya ajansa Îranê, Tirkiyê di vê çarçoveyê de ragihandiye ku wê tevgerên xwe yên ewlehiyê û eskerî li sînorê Sûriyê û li Idlibê heya 3 Tebaxê zêde bike. 
Wek din Tirkiyê li ser vê esasê, şandina   malzemeyên eskerî bo hêzên  li Sûriyê û  bilindkirina asta parastina  sînoran xistiye rojeva xwe.

Ev pêşniyar rastî wê demê hatiye ku Sûriyr û Rûsya dixwazin operasyonekê li ser Idlibê bikin, lê Tirkiye li dij derdikeve û bal dikişîne ser têkçûna peymana Astanayê. Lewra Tirkiye bi komên muxalif ên li Idlibê re dixebite.

Artêşa Tirkiyê di çarçoveya  peymana meha îlonê de ku bi Rûsya û Îranê re îmze kir di encama muzakereyên Astanayê de pêk hat 12 navendên çavdêriyê li Idlib û Hemayê pêk anîne.  

Ev navend çavdêriya agirbesta navbera dewleta Sûriyê û hevpeymanên wê û komên muxalif de li xwe digire.
Di vê çarçoveyê de li gorî hin raporan, Tirkiyê pêşniyareke nû li bara çaremîn herêma kêmkêşe ya Idlibê raberî Rûsiyê kiriye. Herêma çaremîn a kêmkêşe hin beşên  parêzgeha Laziqiyê, Hemayê û Helebê li xwe digire.