Tirkiyeyê 6 firokeyên F-16 şandine Qibrisê
Tirkiyê ragihand ku ji bo ewlehiya Bakurê Qibrisê 6 balafirên şer ên F-16 û pergalên parastina hewayî şandine.
RûpelNews - Wezareta Parastina Neteweyî ya Tirkiyeyê ragihand ku ji bo zêdekirina ewlehiya Bakurê Qibrisê ji ber pêşketinên li Rojhilata Navîn, şeş balafirên şer ên F-16 û pergalên parastina hewayî li herêmê hatine bicihkirin.
Daxuyaniya ku li ser hesabê medyaya civakî ya Wezaretê hatiye weşandin, nîşan dide ku tedbîrên ewlehiyê li gorî pêşketinên dawî yên li herêmê hatine zêdekirin.
Her wiha daxuyaniyê destnîşan kir ku, wekî beşek ji planeke qonax bi qonax, şeş balafirên şer ên F-16 û pergalên parastina hewayî ji îro pê ve li Bakurê Qibrisê hatine bicihkirin.
Daxuyaniyê tekez kir ku pêşketin bi baldarî têne şopandin û heke pêwîst be, dibe ku tedbîrên ewlehiyê yên zêdetir werin girtin.
