Tirkiyê bi fermî serlêdana endamtiya BRICSê kir

PeyamaKurd -  Hate ragihandin ku Tirkiyê ji bo bibe endamê koma BRICS a aborîyê ku ji aliyê welatên Brezilya, Rusya, Hindistan, Çîn û Afrîkaya Başûr ve hatiye avakirin, serlêdana xwe ya fermî kiriye.

Li gorî nûçeya ajansa Bloomberg ku dispêre çavkaniyên ji mijarê agahdar, Tirkiyê bi fermî serlêdana endamtiya BRICSê kiriye.

Hêjayî gotinê ye, Tirkiye hem endameke girîng a NATO ye hem jî berê xwe dide xeta welatên wekî Çîn û Rûsyayê ku dixwaze bi cîhana pirxetî re pêwendiyên xwe xurt bike.

Li gorî nûçeyê piştî ku Tirkiyê hêviya xwe ji pêşveçûna proseya endamtiya Yekîtiya Ewropayê qut kiriye, çend meh berê serlêdana endamtiya BRICSê kiriye.