Serokwezîr, Cîgirê Wezîrê Derve yê Yûnanistanê qebûl kir
Serokwezîrê Herêma Kurdistanê Mesrûr Barzanî, îro Yekşemê 7ê Hezîrana 2026an, pêşwazî li Cîgirê Wezîrê Derve yê Yûnanistanê Harry Theoharis kir, ji bo gotûbêjkirina rêyên xurtkirina peywendiyên navbera Herêmê û Komara Yûnanistanê.
RûpelNews - Li gorî daxuyaniya Serokatiya Hikûmeta Herêmê, her du aliyan asoyên hevkariya hevbeş nirxandin û li ser giringiya xurtkirina peywendiyên dualî di gelek warên girîng de li hev kirin.
Di serî de warên wekî danûstandina bazirganî, geştyarî, çand, şûnwar û her wiha di warê tenduristiyê de, bi awayekî ku xizmeta berjewendiyên her du aliyan bike.
Ewlehî û aramiya herêmî
Her wiha di hevdîtinê de, dawîn geşedan û guherînên siyasî li ser asta Iraq û herêmê hatin gotûbêjkirin. Serokwezîr û berpirsê Yûnanî tekezî li ser pêwîstiya parastina ewlehî û aramiya navçeyê kirin, ku wekî bingehekî sereke ji bo pêkanîna geşepêdan û pêşketina aborî û civakî tê dîtin.
Ev hevdîtin di çarçoveya hewildanên berdewam ên Hikûmeta Herêma Kurdistanê de tê, ji bo xurtkirina pêwendiyên dîplomatîk û aborî li gel welatên Ewropî û berfirehkirina asoyên hevkariya navdewletî.
