Serokê nû wê bibe 'Fermandarê Gistî yê Hêzên Kurdistanê'

PeyamaKurd – Hat ragihandin ku dê li gorî yasaya nû ya Seroktiya Herêma Kurdistanê, herwiha serok bibe Fermandarê Giştî yê Hêzên Kurdistanê jî.

Li gorî nûçeya BasNewsê Parlementerê Yekîtiya Niştimaniya Kurdistanê li Parlementoya Kurdistanê Rojan Mihemed ragihand ku Serokê Herêma Kurdistanê dibe Fermandarê Giştî yê Hêzên Kurdistanê jî.

Rojan Mihemed got, piştî aktîvbûna yasaya serokatiya Herêma Kurdistanê di nava sê rojan de ew kesên bixwazin dikarin xwe kandîd bikin.

Herwiha ew kesên dixwazin xwe ji bo posta serokatiya Herêma Kurdistanê bikin kandîd divê CVya xwe teslîmî serokatiya Parlementoya Kurdistanê bikin.

Mihemed da zanîn li gor yasayê hemû desthilatiya Serokê Herêma Kurdistanê çêdibe û Serokê Herêma Kurdistanê di heman demê  de dibe Fermandarê Giştî yê Hêzên Kurdistanê.

Rojan Mihemed got ku piştî hilbijartina Serokê Herêma Kurdistanê, Serokê Herêmê wê Serokatiya Parlementoya Kurdistanê erkdar bike bo pêkanîna hikûmetê û hikûmeta nû jî divê di nava 30 rojan de were pêkanîn.