Serokê Herêma Kurdistanê Nêçîrvan Barzanî bi Nikol pasinyan re civiya

PeyamaKurd – Serokê Herêma Kurdistanê Nêçîrvan Barzanî ji bo tevlî Konferansa Ewlehiyê ya Munîhê bibe bi heyeta xwe ve çûbû Almanya bajarê Munîhê. Barzanî di seredana xwe de bi gelek aliyên siyasî re danûsitendinan dike û îro bi serokwezîrê Eremenistanê Nikol Paşinyan û heyeta wî re hevdîtin kir. Serokê Herêma Kurdistanê Nêçîrvan Barzanî di ser hesabê xwe yê Twitterê de mijarê weha ragihand:

“Îro li bajarê Munihê me bi serokwezîrê Ermenistanê re li ser seha mijara hevkariyê hevdîtin kir. Me behsa girîngiya aştiya di rêya diyalogê de û pêşdebirina îstîqrarê kir.”