Seîdî Pîre: Em li ser Kerkûkê li hev nekin, wê Dadgeha Federal bikeve dewrê

PeyamaKurd - Berdevkê Yekîtiya Nîştimanî ya Kurdistanê (YNK) Seidî Pîre, li ser pirsa destnîşankirina parêzgarê Kerkûkê daxuyanî da û got, ji bo danîna Parêzgerê Kerkûkê, divê YNK pêşniyaza kesekî bike û alîyê din jî jê razî bin.

Seidî Pîre herwiha got, “Em ji bo pêkanîna Hikûmeta Xwecihî ya Kerkûkê di gotûbêjan de ne, eger em mîna pirsa parlemento û kotayan li hev nekin, dê Dadgeha Federalî ya Iraqê vê yekalî bike.”

Berdevkê YNKê diyar kir, “Heger Dadgeha Federalî pirsa Kerkûkê yekalî bike, wê demê em bi destê xwe nîşan didin, desthilata partiyên Herêma Kurdistanê nîne pirsgirêkên xwe çareser bikin.”