Rishi Sunak: Hûsiyan guh neda hisyariyan!

PeyamaKurd - Serokwezîrê Brîtanyayê Rishi Sunak li ser êrîşa şevê din a Yemenê, daxuyanî da û got, armanc lawazkirina Husiyan û parastina trafîka keştiyan e.

Serokwezîrê Brîtanyayê Rishi Sunak got: “Husiyan tevî hemû hişyariyên navneteweyî jî êrîşên xwe yên li Deryaya Sor berdewam kirin. Me jî ji ber vê yekê wekî karê xweparastinê çalakiyeke pêwîst, sînordar û guncav li dar xist. Me ev çalakî bi armanca lawazkirina hêza çekdarî ya Husiyan û parastina trafîka keştiyan a cîhanî pêk aniye.”

Sunak li ser êrîşên Husiyan ên li Deryaya Sor diyar kir: “Piştî êrîşên Husiyan kelûpel biha bûn, nabe ku ev berdewam bike. Brîtanya her tim azadiya trafîka deryayî û azadiya bazirganiyê diparêze.”

Hêjayî gotinê, bi pêşengiya hêzên Amerîka û Brîtanyayê şevê din bi balafir, keştî û keştiyên binê avê û moşekên Tomahawkê êrîşeke berfireh li ser baregehên Husiyan ên li çend bajarên cuda û 12 herêman hate kirin.

Serokê Amerîkayê Joe Biden ragihand ku êrîş bersiva êrîşên Hûsiyan ên ser keştiyên bazirganî yên di Deryaya Sor de derbas dibin e.