Pompeo û Netanyahû gefên Îranê û rewsa Iraqê gotûbêj kirin

PeyamaKurd - Wezîrê Derve yê Amerîkayê Mike Pompeo û Serokwezîrê Îsraîlê Benyamin Netanyahu bi pêwendiyeke telefonî rewşa Iraqê guftûgo kirin.

Wezareta Derve ya Amerîkayê li ser hevdîtina telefonî ragihand, Mike Pompeo pêwendiyeke telefonî bi Benyamin Netanyahu re kiriye û di pêwendiyê de jî rewşa li Iraqê, gefên berdewam yên Îranê li navçeyê hatine guftûgo kirin.

Di daxuyaniyê de hat gotin ku Pompeo niyaza Serokê Amerîka Trump a parastina berjewendiyên Amerîka û hevpeymanên wê ji Netanyahu re ragihand.

Mike Pompeo li twitterê jî got, “Bi Serokwezîrê Îsraîlê re min tekez li ser girîngiya rûbirûbûna hejmûn û gefên Îranê yên xirab li navçeyê kir.”

Pompeo herwiha spasiya piştevaniya Îsraîlê bo jinavbirina terorê kir û got, "Pêwendiyên Îsraîl û Amerîka nayin şikandin."