Pistî Rûsya, Amerîka û Çînê welatekî din astronot disîne fezayê

PeyamaKurd - Ajansa Fezayê ya Hindistanê (ISRO) ragihand ku ew amadekariyê dikin astronot bişînin fezayê.

Berpirsê Giştî yê ISROyê Kailasavadivoo Sivan daxuyakirin ku ew li ser dixebitin heta Kanûna 2021ê 3 astronotan bişînin fezayê û beriya şandina astronotan ew dê navgîneke bêmirov bişînin fezayê.

Sivan ji medyayê re ragihandiye ku dê navê wesayîta wan fezayê “Gaganyaan” be û ji bo vê xebatê dê 20 hezar karmend bên xebitandin.

Heta niha tenê welatên Rûsya, Amerîka û Çînê astronot şandine fezayê û herî dawî jî Çînê navgînek şand ser hêla tarî ya heyvê.