Pelosi: Girîng e diyaloga li gel Herêma Kurdistanê berdewam be

PeyamaKurd – Seroka berê ya Meclisa Nûneran a Amerîkayê Nancy Pelosi ragihand ku giringe diyalog û peywendiyên li gel Herêma Kurdistanê berdewam bin.

Pelosî di daxuyaniyekê de ji Rûdawê re hevdîtina xwe ya li gel Serokê Herêma Kurdistanê Nêçîrvan Barzanî nirxand û ragihand ku girîng e diyaloga ligel Herêma Kurdistanê berdewam bibe.

Nancy Pelosi pirsên ku ji wê hatin kirin wiha bersivand:

Çi fikarên we li ser hilbijartinên serokatiyê hene eger Donald Trump dîsa bibe serok? Ev bandorek çawa li sûcê çekan dike?

"Ew ê di hilbijartinê de bi ser nekeve."

Hûn dixwazin li ser hevdîtin û pêwendiyên xwe yên li gel Herêma Kurdistanê bi taybetî ligel Serokê Herêma Kurdistanê li Munchenê çi bibêjin?

“Girîng e ku hevdîtinên me (bi Herêma Kurdistanê re) hene. Bi dîtina min pir girîng e ku diyalog û têkiliyên hem li wir û hem jî li vir berdewam bikin. Ji bo rêzgirtinê çûm odeya (Nêçîrvan Barzanî). Ji bo me Komarparêz û Demokrat girîng bû ku wî wek heyeteke hevpar bibînin.

Hilbijartinên serokatiya Amerîkayê di 5ê Mijdarê de tê lidarxistin û Donald Trump wê bibe berbijêrê Komarî û Joe Biden jî wê bibe berbijêrê Demokratan. Li gorî anketên dawî, Trump ji sedî 44 û Biden jî ji sedî 43 dengan digire."

Serokê Herêma Kurdistanê Nêçîrvan Barzanî ku beşdarî Konferansa Asayîşa Munchenê bibû, roja 18ê Sibatê bi endamên Kongreya Amerîkayê re civiya û Nancy Pelosî jî hat cihê civînê. Ev tevgera Nancy Pelosi ku bi germî silava Nêçîrvan Barzanî kir, li ser medyaya civakî gelek hat axaftin.