Operasyoneke din li dijî şaredariya Stenbolê
Li ser şaredariya Stenbolê operasyoneke din hat lidarxistin. 12 kes bi tohmeta gendeliyê hatin desteserkirin.
RûpelNews - Wekî beşek ji lêpirsîna li ser Şaredariya Mezin a Stenbolê, 12 kes bi îdiayên "neqanûnîbûnên di îhaleyan de" yên têkildarî Beşa Lênêrîn û Tamîrkirina Rêyan û Beşa Sîstemên Elektronîkî hatin binçavkirin.
Bi biryara Serdozgeriya Giştî ya Stenbolê operasyoneke nû li dijî Şaredariya Mezin a Stenbolê hat destpêkirin.
Ji bo 13 kesan biryara desteserkirinê hat dayîn, bi hinceta ku "îhaleyên ku ji aliyê Rêveberiya Lênêrîn û Tamîrkirina Rêyan û Rêveberiya Sîstemên Elektronîkî ya Şaredariya Mezin a Stenbolê ve hatine organîzekirin, hatine manîpulekirin." Di çarçoveya vê operasyonê de, 12 kes hatin binçavkirin. Ji bo desteserkirina gumanberê din xebat tên kirin.
