Newsûd | Rejîma Îranê kolbereke kurd kust

Kolbera kurd a bi navê Perşîng Qubad Zahirî (26) ku dayika zarokekî 3 salî bû û li devera Newsûdê yan Pawêya Rojhilatê Kurdistanê dijiya, ji aliyê hêzên çekdar ên rejîma Îranê ve hat kuştin.

Li gorî raporeke ku gihaye Rêxistina Mafên Mirov a Hengawê, 22yê mijdara 2024an, kolbera kurd a bi navê Perşîng Qubad Zahirî, ser sînorê Hane-Germala ji aliyê hêzên çekdar ên sînorî yên Îranê ve bi giranî birîndar bû û li nexweşxaneyeke Kirmaşanê jiyana xwe ji dest da.

Hengaw bi bîr dixe ku bavê wê kolberê Îdrîs Qubad Zahirî û birayê wê jî ji aliyê artêşa rejîma Îslamî ya Îranê ve hatine girtin.