Nêçîrvan Barzanî, ligel sêwirmendê Macron civiya

PeyamaKurd- Serokê Herêma Kurdistanê Nêçîrvan Barzanî, şeva borî pêşwaziya Şêwirmendê Serokê Fransa Emmanuel Macron ê Karûbarên Rojhilata Navîn û Bakurê Afrîkayê Patrick Durrell kir.

Hat diyarkirin ku di hevdîtinê de li ser serdana Emmanuel Macron a çaverêkirî ya ji bo Iraqê, pêwendiyên Fransayên yên ligel Iraq û Herêma Kurdistanê û rewşa Herêma Kurdistanê axivîne.

Li gorî hat zanîn, herdu alî li ser girîngî û pêwîstiya piştevaniya Fransayê ya ji bo Iraqê hevdeng bûn û tekezî li ser girîngiya pêwendiyên Fransa ligel Iraq û Herêma Kurdistanê kir û tekezî li ser rol û beşdariya çalak a Fransayê ya di Hevpeymaniya Navdewletî ya li dijî rêxistina terorîst a IŞÎDê kir.

‘Em ji bo çareseriyê, amade ne’

Her wiha Serokê Herêma Kurdistanê û Patrick Durrell pêwendiyên navbera Hewlêr û Bexdayê û çareserkirina pirsgirêkên navbera wan gotûbêj kir û tekezî li ser wê yekê jî kir ku Herêma Kurdistanê her dem amade ye li gorî destûr û pergala federalî pirsgirêkên ligel Bexdayê çareser bike.

Li gorî hat ragihandin, Nêçîrvan Barzanî spasiya rol û piştevaniya Macron li Iraq û Herêma Kurdistanê kir û tekezî li ser wê yekê kir ku Herêma Kurdistanê her dem amade ye li gorî destûr û pergala federalî pirsgirêkên ligel Bexdayê çareser bike.