Macron piştgiriya xwe ji bo Nêçîrvan Barzanî ragihand
Serokê Fransayê Emmanuel Macron telefonî Serokê Herêma Kurdistanê Nêçîrvan Barzanî kir û piştgiriya xwe anî ziman.
RûpelNews - Li gorî daxuyaniyek ji Serokatiya Herêma Kurdistanê, Emmanuel Macron îro bi Nêçîrvan Barzanî re bi rêya telefonê axivî.
Di axaftinê de, Macron êrîşa bi dronê a îro ya li ser mala Nêçîrvan Barzanî li Dihokê bi tundî şermezar kir û piştgiriya welatê xwe ji bo Herêma Kurdistanê û Iraqê dubare kir.
Macron her wiha ji bo şeş Pêşmergeyên ku di êrîşa mûşekî ya balîstîk a ku ji aliyê Îranê ve di 24ê Adarê de hatibû kirin de şehîd ketibûn, sersaxî û ji bo birîndaran jî hêviya şîfayê xwest.
Nêçîrvan Barzanî her wiha spasiya Macron kir ji bo piştgiriya Fransayê ji bo Iraq û Herêma Kurdistanê, û her wiha ji bo helwesta wê ya navneteweyî.
Di hevdîtinê de geşedanên dawî yên derbarê şer de hatin gotûbêjkirin û her du aliyan tekezî li ser girîngiya zêdekirina hewldanên dîplomatîk kirin ji bo bidawîkirina pevçûnan.
