Nêçîrvan Barzanî, Amerîka pîroz kir û got: Azadî bi rêya destûr û saziyan geş dibe
Serokê Herêma Kurdistanê Nêçîrvan Barzanî, di peyameke ji bo 250emîn salvegera serxwebûna Dewletên Yekbûyî yên Amerîkayê (DYA) de, Serokê Amerîkayê Donald Trump û gelê Amerîkî pîroz kir. Barzanî tekez kir ku aramî li Iraqê bi sozên destûrî, federalîzm û parastina mafên Herêma Kurdistanê ve girêdayî ye.
RûpelNews - Serokê Herêma Kurdistanê, Neçîrvan Barzanî, di parvekirineke li ser hesabê xwe yê medyaya civakî Xê de, Serokê DYAyê Donald Trump û gelê Amerîkî bi boneya 250emîn salvegera serxwebûnm pîroz kir.
Barzanî, bi etîketkirina hesabê fermî yê Trump ê Xê, destnîşan kir ku têgihiştina DYAyê ya azadiyê ji bo cîhanê mînakeke girîng e.
"Azadî ne tenê meseleya hêzê ye"
Barzanî, di peyama xwe de nirxên bingehîn ên Dewletên Yekbûyî destnîşan kir û got: "Wan gotinên mayînde yên ku Amerîkayê ji me re hiştiye ev e: Azadî ne tenê meseleya hêzê ye. Ji bo azadiyê Pêşnivîseke Bingehîn, sazî, hevsengiya federal û razîbûna gelê azad pêwîst e."
Giringîdanîna li ser nîzamê destûrî û federalîzmê li Iraqê
Barzanî diyar kir ku armanca wan avakirina hevkariyeke bihêztir di navbera Herêma Kurdistanê û DYAyê de ye, û tekezî li ser girîngiya nîzamê destûrî ji bo paşeroja Iraqê kir.
"Em bawer dikin ku heman prensîb ji bo paşeroja Iraqê xwedî girîngiyeke jiyanî ye," Barzanî got, û lê zêde kir ku aramî li ser bingeha pabendbûna bi sozên destûrî, parastina federalîzmê, û parastina tam a maf û statuya Herêma Kurdistanê di çarçoveya Destûra Iraqê de ye.
"Em ji bo piştgiriya DYAyê spasdar in"
Di dawiya peyama xwe de, Barzanî ji bo piştgiriya wê ya ji bo Herêma Kurdistanê û Iraqê spasiya DYAyê kir û diyar kir: "Em ji bo hevalbendî û serokatiya Amerîkayê, her wiha ji bo piştgiriya wê ya berdewam a ji bo Herêma Kurdistanê û Iraqê spasdar in."
.jpg)
