Mistefa Hicrî: Êrîşên neheq li dijî malbata Jînayê dest pê kirine
Mistefa Hicrî, di parvekirineke xwe ya li ser hesabê xwe yê Xê de ragihand ku van rojên dawî komeke diyar êrîşên neheq li dijî Emced Emînî, bavê Jîna, û malbata wî dest pê kirine.
RûpelNews - Hicrî, di nirxandina xwe ya li ser êrîşên li dijî malbata Jînayê ya ku bûye sembola tevgera "Jin, Jiyan, Azadî" ya li Îranê de, destnîşan kir ku ev êrîş dê zirarê nedin rêz û pozîsyona civakî ya malbatê; berevajî dê hevgirtina di navbera kesên azadîxwaz de xurttir bikin.
"Tu tişt ji rêz û pozîsyona vê malbatê kêm nabe"
Mistafa Hicrî di parvekirina xwe de wuha got:"Malbata Jînayê û şehîdên serbilind ên rêya azadiyê, ji bo miletê me çavkaniyeke serbilindiyê ne. Parastina nirxên 'Jin, Jiyan, Azadî' parastina nirxên tevgera Kurdistanê ye. Malbata Jînayê, ku bûye sembola vê tevgerê, li nav gelê Kurdistanê û hemû azadîxwazên Îranê xwedî cihekî taybet û rêzdar e. Ji ber vê yekê, ev êrîş tiştekî ji rêz û pozîsyona wan a civakî kêm nakin; berevajî, ew tenê zemîna yekîtî û hevgirtina gelên azadîxwaz ên Îranê, yên ku amade ne ji bo gihîştina azadî û hikûmeteke gelêrî xwe feda bikin, xurttir dikin."
در روزهای اخیر، موجی از حملات ناموجه توسط فرقەای شناختەشدە علیه کاک امجد امینی پدر ژینای شهید و خانواده محترمشان آغاز شده است.
— Mustafa Hijri (@MustafaHijri) September 20, 2026
خانواده «ژینا» و شهدای سرافراز راە آزادی، مایه افتخار ملت ما هستند. پاسداری از ارزشهای «ژن، ژیان، ئازادی»، دفاع از ارزشهای جنبش کوردستان است. خانواده…
