Mastercard û Visayê karê xwe yê bo Rûsyayê rawestandin

PeyamaKurd – Di çarçoveya dorpêçên bi sedema êrîşên leşkerî yên Rûsyayê bi ser welatê Ûkraynayê de, herî dawî Mastercard û Visa ku sîstema bankevaniya cîhanê li ser wan dixebite, karên xwe yên li Rûsyayê dan sekinandin.

Visayê ragihandiye ku ew dê hemû operasyonên xwe yên li Rûsyayê rawestînin û êdî wê ti karê bi kartên Visa li Rûsyayê neyê kirin. Herwiha li gorî biryarê wê saziyên fînansa Rûsyayê jî nikarin li derveyî welat li ser sîstema Visa kar bikin.

Piştî vê biryara Visayê Mastercardê eşkere kir ku wan operasyonên xwe yên Rûsyayê rawestandiye û êdî kartên Mastercard ên li hûndir û derveyî Rûsyayê wê nexebitin.