Macron û Erdogan li Romayê civiyan

PeyamaKurd - Serokomarê Fransayê Emmanuel Macron û Serokomarê Tirkiyê Recep Tayyîp Erdogan di çarçoveya Lûtkeya Serokên G20 de ku li paytexta Îtalya Romayê bûn, hevdîtinek pêk anîn.

Civîna navbera Macron û Erdogan li Navenda Peymana Nûvola ya ku lûtke lê hat lidarxistin, ji medyayê re girtî hat kirin û 50 xûlekan dom kir.

Hevdîtina her du Macron û Erdogan li demeke ku nakokiyên Enqere û Parîsê li ser mijarên cuda bi taybetî Lîbya û Rojhilata Deryaya Spî hene pêk hat.

Erdogan îro Yekşemê di çarçoveya Lûtkeya Serokên G20 de li Romayê bi Serokê Amerîkayê Joe Biden re jî civiyabû û Biden fikarên xwe yên derbarê S-400ên rûsî û mafên mirovan li Tirkiyê anîbû ziman.