Libya bi du hikûmetên cuda parçe bû: Metirsiya ser dîsa derket holê!

PeyamaKurd – Li Libyayê beriya ku hilbijartinên giştî pêk werin, du hikûmetên cuda li ser kar in.

Encûmena Nûneran a Lîbyayê hefteya borî biryara avakirina hikumeta bi seroktiya Fethî Başaxa dabû ku ji 101 parlamenteran 92yan ew biryar pesend kiribû.

Herwiha Serokwezîrê hikûmeta demkî Ebdulhemîd El-Debîbe jî hîn li ser kar e biryara parlamantoyê ya erkdarkirina hikumeta nû red kir.

Fethî Başaxa diyar kiriye ku wan bi Desteya Ewlekarî û Leşkerî re guftûgo kirine da ku Tarablus bibe navenda hikumeta wî ya nû.

Hikumeta nû ya Fethî Başaxa ji 3 cîgirên serokwezîr, 29 wezîr û 6 wezîrên dewletê pêk tê.

Ev parçebûna Libyayê ji nû ve bû sedema zengilê şer lê bidin û metirsî heye şerê navbera hêzên Xelîfe Hefter û Îxwanan ji nû ve dest pê bike.