Li Xarpêtê erd bi hêza 4 pileyan hejiya

PeyamaKurd – Li parêzgeha Xarpêtê ya Bakurê Kurdistanê, erd bi hêza 4 pileyan hejiya.

Serokatiya Rêveberiya Karesat û Rewşên Bilez (AFAD) diyar kir, îro Çarşemê 12ê Çileya 2022ê, di saet 00:34 deqeyan de, li parêzgeha Xarpêtê erdhejek bi hêza 4 pile çêbûye.

AFADê eşkere kir, kûrahiya erdhejê wek 14.21 kîlometre hatiye tomarkirin.

Herwiha Rasathaneya Kandîlllî ya Zanîngeha Bogazîçî jî eşkere kir, bandora erdhejê herî zêde li bajarokê Qovanciyan bûye. Heta niha aliyên pêwendîdar tu daxuyaniyek derbarê zerar û ziyanên erdhejê de belav nekirine.

Roja 24ê Çileya 2020an, erdhejek bi hêza 6.5 pile çêbûbû. Di erdhejê de 41 kesan can dabûn û hezar û 607 kes jî birîndar bûbûn.