Li Toronto zimanê kurdî di rawestgehên metroyan de cîh girt
Li bajarê Toronto yê Kanadayê tabelayên pir zimanî li rawestgehên metroyê hatin aliqandin. Zimanê kurdî jî di nav tabelayan de cîh girt.
RûpelNews - Komîsyona Veguhastinê ya Torontoyê wek amadekariyek ji bo lîstikên Mondiyala 2026an, kampanyayeke berfireh a reklamê bi gelek zimanan da destpêkirin. Di nav van zimanan de, zimanê kurdî jî li metroyan hat dîtin.
Li bajarê Torontoyê yê Kanadayê, amadekariyên ji bo Kupa Cîhanê ya Futbolê (Mondiyala 2026) berdewam dikin. Di vê çarçoveyê de, Komîsyona Veguhastinê ya Torontoyê li nav metro û trênên bajêr posterên taybet ên bi gelek zimanan hatine nivîsandin bi dar xistin. Li ser beşek ji van posteran, peyva "Bi xêr bên" bi zimanê kurdî li kêleka zimanên din ên cîhanê hat nivîsandin.
Kurdên li Kanadayê kêfxweşiya xwe anîn zimên û diyar kirin ku cihgirtina zimanê Kurdî di kampanyayeke wiha mezin a cîhanî de (Mondiyala FIFA) cihê şanaziyê ye.
Hejmarek ji bikarhênerên torên civakî bal kişandin ser wê yekê ku bi hezaran Kurdên li Torontoyê, berê li welatên xwe tenê ji ber nivîsandina tîpekê, peyvekê yan jî stranekê rastî girtin û çewsandinê hatine. Lê niha, bi dîtina zimanê xwe li ser tîmên fermî yên Kanadayê, ew hest dikin ku ev bajar bi rastî malê wan e.
