Li Tirkiyeyê rêjeya zewacê kêm bûye
Li gorî amarên herî dawî yên li Tirkiyeyê, rêjeya zewacê di nav ciwanan de bi awayekî berçav kêm bûye û hevberdan zêde bûye.
RûpelNews - Serokkomarê Tirkiyeyê Recep Tayyip Erdogan, di dema beşdarbûna konferansekê de bi navê "Malbat û Nifûs" li bajarê Stenbolê ragihand ku daketina rêjeya jidayikbûnê li welatê wî gihîştiye "asteke metirsîdar".
Erdogan careke din tekez kir û daxwaz ji malbatan kir ku herî kêm sê zarokên wan hebin. Wî got: "Wekî çawa me berê daxwaza sê zarokan dikir, niha jî em kar dikin da ku metirsiyên daxuyandî yên li ser nifûsa pêşerojê kêm bikin."
Amarên zewac û hevberdanê bi vî rengî ne:
Zewac: Di sala 2024an de 570 hezar pêvajoyên zewacê hatine tomarkirin, lê sala borî (2025) ev jimar bo 552 hezarî kêm bûye.
Hevberdan: Rêjeya hevberdanê di sala 2024an de 189 hezar bûye, lê sala borî gihîştiye 194 hezarî.
Her wiha hikûmeta Tirkiyeyê ji bo rûbirûbûna vê pirsgirêkê, çendîn pakêtên alîkarî û deynan ji bo wan ciwanên ku dizewicin ragihandine. Lê belê pispor bawer dikin ku ev pêngav tenê çareseriyên demkî ne û heta ku kêşeyên bingehîn ên wekî enflasyon û bêkariyê neyên çareserkirin, rêjeya zewacê asayî nabe.
