Li Stenbolê wesayîta leşker û polîsan li hev qelibîn
Li navçeya Pendik a Stenbolê, di qezayeke trafîkê ya zincîreyî de ku wesayîteke leşkerî, wesayîteke polîsan û otomobîleke sivîl tê de bûn, sê kes di nav de du polîs birîndar bûn.
|
Türkçe
RûpelNews - Qeza li taxa Kurtkoy a Pendikê pêk hat. Li gorî agahiyan, wesayîta leşkerî, wesayîta polîsan û otomobîla sivîl bi sedemeke ku hêj nehatiye diyarkirin, li hev qelibîn.
Piştî qezayê, tîmên tenduristiyê sewqî cihê bûyerê hatin kirin. Sê kes ku du ji wan polîs bûn birîndar bûn û li cihê bûyerê tedawiya destpêkê wergirtin.
Paşê, kesên birîndar bi ambûlansê ji bo tedawiya zêdetir bo nexweşxaneyên nêzîk hatin veguhestin.
Ji bo diyarkirina sedema qezayê lêkolîn hat destpêkirin.
