Li Rojavayê Kurdistanê sala nû ya perwerdeyê dest pê kir

PeyamaKurd – Hate ragihandin ku îro 1ê Îlonê li Rojavayê Kurdistanê dibistan vebûn û sala nû ya perwerdeya 2024-2025an dest kir.
Desteya Perwerde û Fêrkirinê ya girêdayî Rêveberiya Xweser eşkere kir ku dê li 4 hezar û 100 dibistanan 900 hezar xwendekar perwerdeyê bibînin.

Biryar e werza yekemîn a perwerdeyê ya li Rojavayê Kurdistanê 2yê Çileya 2025an bi dawî bibe. Werza duyemîn jî 15ê Çileya 2025an dest pê dike û 15ê Gulanê bi dawî dibe.

Hate diyarkirin ku wê 40 hezar mamoste û bi tevahî 50 hezar karmend li dibistanên Rojavayê Kurdistanê û herêmên girêdayî Rêveberiya Xweser kar bikin.