Li Parlamentoyê hevdîtinên 'Pêvajoya Aştî û Civaka Demokratîk' têne kirin
Serokê Parlamentoya Tirkiyeyê Numan Kurtulmuş, derbarê guhertinên yasayî yên ku wekî beşek ji 'Pêvajoya Aştî û Civaka Demokratîk' hatine plankirin, dest bi hevdîtinan bi komên partiyên siyasî re kir.
RûpelNews - Kurtulmuş gera xwe ya hevdîtinan bi gotûbêjekê bi Serokê MHPê Devlet Bahçelî re li ofîsa wî ya li Parlementoyê dest pê kir.
Piştre Kurtulmuş bi Hevserokên DEM Partiyê Tuncer Bakirhan û Tulay Hatîmogullari re hevdîtin kir; di hevdîtinê de Herwiha Cîgirên Rêveberê Koma DEM Partiyê Sezaî Temellî û Gulîstan Kiliç Koçyîgît jî amade bûn.
Serdanên partiyên siyasî berdewam dikin
Serokê Parlamentoyê Kurtulmuş piştre bi, Serokê Koma Partiya Rêya Nû / Yenî Yol Mehmet Emîn Ekmen re hevdîtin kir. Di hevdîtinê de herwiha Cîgirên Serokên Koma Partiya Rêya Nû Bulent Kaya û Selçuk Ozdag, û herwiha Mustafa Bîlîcî, Parlamenterê Îzmîrê, amade bûn.
Kurtulmuş hevdîtina xwe ya dawî ya rojê bi, Serokê CHPê Kemal Kiliçdaroglu re pêk anî. Tê payîn ku Serokê Parlamentoyê sibê jî serdana Koma AKPartiyê bike.
Guhertinên yasayî yên di rojeva de
Hat destnîşankirin ku di hevdîtinan de behsa geşedanên herî dawî yên di çarçoveya 'Pêvajoya Aştî û Civaka Demokratîk' de û guhertinên yasayî yên ku plankirî ne bên amadekirin, hatiye kirin. Her wiha hat ragihandin ku nexşerêya ku dê li Meclîsê derbarê pêvajoyê de were şopandin, di rojevê de bû.
