Li navça Mûdanyayê kamyoneta ku karkerên demsale hildigirt wergeriya: 1 mirî û 7 birîndar hene

PeyamaKurd – Li navça Mûdanyayê ya bi ser bajarê Anedolê Bûrsayê, kamyoneta ku karkerên demsale hildigirt, ji ber ajotvanê wê desthilata xwe wenda kir, ji ser rê derket û li darekî xist.

Di encama qezayê de ku piraniya wan karkeran xelkê Kurdistanêne, kesekî mir û 7 kes birîndar bûn. Bûyer serê sibê seet di 08.00an de qewimî û karkerên demsale diçûn çinîna zeytûnan.

Bi bandora ku kamyenet li darê xist, karekera bi navê Gülbeyaz Alak (54) li ciyê qezayê can da û 7 kesên di kamyonetê de birîndar bûn.

Birîndaran bi ambûlansên tenduristiyê birin nexweşxanên der û dorê û lêpirsîna li ser bûyerê dewam dike.