Mînîbusa karkerên demsale qeza kir: 8 mirî û 13 birîndar hene

PeyamaKurd – Li bajarê Afyonê li navça Çayê mînîbusa ku karkerên demsale yên ku gilyazan diçinin qeza kir û di encamê de 8 karker mirin û 13 karker birîndar bûn.

Ajotvanê mînîbusê yê bi navê Berat Karakaya di îfadên xwe yên dozgeriyê de got ku ew tedawiya psîkolojîk dibîne û nayê bîra wî ku qeza kiriye.

Piştî ajotvan Karakaya birin dadgehê, dadgeh biryara girtina wî da û wî şand zîndanê.

Nehat ragihandin bê karkerên di mînîbusê de yên qeza kirine bê karkerên Kurdin an na, ji ber bi deh hezarî Kurd li aliyê Anedolê weke karkerên demsale dixebitin.