Li Iraqê alozî: Xwepêsander û hêzên ewlekariyê pev çûn

PeyamaKurd – Hate ragihandin, li bajarê Nasiriyê ku navenda parêzgeha Zîqarê ye, di xwepêşandanên dijî hikûmetê de alozî derket.

Li gorî zanyariyên medya Iraqê, li Zîqarê di navbera xwepêşanderan û hêzên ewlekariyê de, şer û pevçûn çêbûn û hejmarek kes jî birîndar bûn.

Hate diyarkirin, bi dehan derçûyên zanîngeh û peymangehan, li ber deriyê avahiya Encûmena Parêzgeha Zîqarê dest bi xwepêşandanê kirin û xwepêşanderan daxwaz kirine ku Hikûmet wan di sektora giştî de bicih bike.

Li gorî medya Iraqê, di navbera xwepêşander û hêzên ewlehiyê de alozî derketiye û piştre li hevdu dane û ji ber wê sedemê jî hejmarek kesek ji xwepêşander û hêzên ewlehiyê birîndar bûne.