Li Amedê bernameya Cejna Zimanê Kurdî
Ji bo pîrozkirina Cejna Zimanê Kurdî ya 15ê Gulanê, li Amedê dê gelek çalakî bên lidarxistin, ku ji semîner û foruman bigire heta atolye û pêşandana fîlman. Saziyên zimanê kurdî û rêxistinên girseyî yên demokratîk dê di çalakiyên îsal de daxwazên ji bo parastina zimanê kurdî ya bi awayekî destûrî û naskirina wî wek zimanekî fermî û perwerdehiyê bixin ber çavan.
RûpelNews - Ji ber ku 15ê Gulanê 94emîn salvegera destpêkirina Kovara Hawarê ye, çalakî dê tekeziyê li ser parastina ziman û çanda kurdî bikin.
PWK li ser zimanê kurdî dê semînerekê li dar bixe
Partiya Welatparêzên Kurdistanê (PWK) dê wekî beşek ji Cejna Zimanê Kurdî semînerekê bi navê "Dar ji rehên xwe şîn dibe, mirov ji zimanê xwe mezin dibe" li dar bixe.
Semîner dê di 15ê Gulana 2026an de saet di 13.30an de li avahiya PWKê ya li Amedê were lidarxistin. Di çalakiyê de dê yek ji damzênerên Kovara Hawarê bîranîna Mir Celadet Bedirxan were bi bîr anîn û behsa ked û xebata wî were kirin û her dê nîqaş li ser parastin û pêşxistina zimanê kurdî bên kirin.
PWKê ragihand, "Zimanê me hebûna me, rûmeta me ye," û bang li siyasetmedar, rewşenbîr û welatiyan kir ku beşdarî semînerê bibin.
Foruma Aştiya Civakî û Azadiyê jî dê rêzeçalakiyan li dar bixe
"Foruma Aştiya Civakî û Azadiyê", ku ji aliyê Şaredariya Mezin a Amedê ve tê organîzekirin, dê di heman demê de di bernameya çalakiyên 15ê Gulanê de bi awayekî berbiçav cih bigire.
Wekî beşek ji forumê, dê gelek rûniştin li ser mijarên zimanên zikmakî, zimanên di bin xeterê de, bîra civakî, azadiya jinan, çareserkirina nakokiyan û dadweriya civakî werin lidarxistin.
Hin ji xalên sereke yên çalakiyan ev in:
• Danişîna bi navê "Rê û Rêbazên Parastina Zimanên di bin Xeterê de" dê ji aliyê Enstîtuya Kurdî ya Amedê ve li ÇandAmedê dê were organîzekirin.
• Çalakiya bi navê "Nêrîna li Azadî û Aştiyê bi Çavê Jînolojiyê" dê li Qesra Cemîl Paşay pêk were.
• Pêşandan û nîqaşa belgefîlma "Hey Hawar" dê li Eywana Sînemayê ya ÇandAmedê pêk were.
• "Atolyeya Zimanê Tevlêker" dê li ser ragihandina hestiyar a li hemberî zayendê û nîqaşên li ser zimanê tevlêker raweste.
• Rûniştina bi navê "Mîzah û Azadî" dê li ser têkiliya di navbera mîzah û azadiya derbirînê de raweste.
Bernameya berfireh a forumê li ser malpera Bernameya Foruma Aştiya Civakî û Azadiyê peyda dibe.
Deklerasyona Cejan Zimanê Kurdî: Ji bo kurdî daxwaza statuyê dikin
Di daxuyaniya ku berê li Amedê ji aliyê nûnerên saziyên zimanê kurdî û Platforma Saziyên Demokratîk ve hatibû ragihandin de, ji hikûmetê hat xwestin ku zimanê kurdî di destûrê de bi cih bike.
Di daxuyaniyê de hatibû diyarkirin ku divê kurdî wekî zimanekî fermî û zimanekî perwerdehiyê were naskirin û hatibû tekezkirin ku "zimanê dayikê bi qasî nan û avê jiyanî ye".
Daxuyaniyê her wiha bang kir ku têkoşîna ji bo bidestxistina statuyekê ji bo zimanê kurdî were xurtkirin.
