Li Agirî wesayîteke koçberan wergeriya: 17 koçber birîndar bûn

PeyamaKurd – Li parêzgeha Agirî ya Bakurê Kurdistanê di encama rûdaneke trafîqê de, wesayîteke koçberên neyasayî wergeriya û 17 koçber birîndar bûn.

Zanyarî diyar dikin, şeva din wesayîta ji Agirî ber bi bajarokê Zêdkan diçû, berî bigihe Zêdkan bi 6 kîlometreyan ji rê derket û wergeriya. Di wesayîtê ku nêzî 25 koçberan tê de hebûn, 17 koçber birîndar bûn.

Piştî bûyerê, birîndar bi ambûlansan bo Nexweşxaneya Perwerde û Lêkolînan a Agirî hatin veguhestin.

Di derbarê nasname û rewşa tendirûstî ya koçberên birîndar de, tu zanyarî nehatine belavkirin.