Lehiyê 19 bajar dan ber xwe: Herî kêm 18 kes mirin

PeyamaKurd – Ji ber barana zêde li 19 bajarên wîlayeta Bahia ya Brezîlyayê lehî rabû.

Rayedarên herêmî yên Brezîlî ragihandine ku di encama lehiyê de, heta niha herî kêm 18 kesan can daye û zêdetirî 286 kes jî birîndar bûne.

Li gorî ragihandina berpirsên Brezîlyayê heta niha 35 hezar kes jî neçar mane terka malên xwe bidin û biçin cihên ewle.

Ji ber bobelata lehiyê û rewşa xirab a hewayê li 66 navçeyên wîlayeta Bahia rewşa awarte hatiye ragihandin.