Kompaniyeke Amerîkî ji ber êrîsên milîsan terka Iraqê da

 PeyamaKurd – Hat ragihandin ku kompaniyeke leşkerî ya Amerîkayê ku karûbarên tamîrkirina balafirên F-16 dikir ji ber êrîşên milîsan ên berdewam ji Iraqê derket.

Li gorî ragihandina medya Iraqê ku vê nûçeyê dispêre çavkaniyeke ewlekariyê, kompanya bi navê ‘Salî Port’ ya karê tamîrkirina balafirên F16 yên Amerîkayê li Iraqê dikir, îro 9ê Gulanê ji Iraqê derket.

Ew kompaniya Amerîkî li baregeha Beledê ya Amerîkayê bicih bûbû û li gorî rêkeftina Wezareta Bergiriya Iraqê û Wezerata Bergiriya Amerîkayê karê xwe dikir.

Çavkaniyê diyar kiriye ku ew kompanî ji ber êrîşên milîsên Îranê neçar maye ji Iraqê derkeve.