Kolberekî Kurd pistî ku pasdarên Îranê hêstirên wî kustin, xwe kust

PeyamaKurd – Kolberekî Rojhilatê Kurdistanê, ji ber ku pasdarên Îranê hêstirên wî yê pê kolberî dikir kuştin, xwe kuşt.

Malpera mafên mirova ya Hengaw diyar kiriye, roja 17ê vê mehê, xortekî Kurd bi navê Sirûş Rehmanî (15 salî) ku ev demek bû dest bi kolberî û barberiyê kiribû, xwe kuşt.

Li gorî zanyariyan, wî kolberî ji ber hejarî û belengaziyê çend hêstir bi deyn kirîbû, lê çend roj berê hêstirên wî ji aliyê pasdarên Îranê ve hatin kuştin, ji ber wê jî gelekî bi wê yekê xemgîn bibû û herî dawî pêr xwe kuşt.

Sirûş Rehmanî, xelkê gundê Hanegermele yê nahiya Newsûd ya bajarokê Pawe li parêzgeha Kirmaşanê bûye.