Ji Amerîkayê hisyarî bo Tirkiye û Bakurê Kurdistanê: Neçin…

PeyamKurd – Wezareta Derve ya Amerîkayê roja çarşemê 16ê Çile bi daxuyaniyeke nivîskî hişyariya neçûna Tirkiyê da hemwelatiyên xwe, bi sedema ku girtînên kêfî û êrîşên terorî.

Di bangewaziya wezareta derve de, hişyariya neçûna Tirkiyê ji bo hemwelatiyên Amerîkî tê dayîn û tê xwestin planên xwe ji nû ve binirxînin.

Di daxuyaniyê de xeteriya li Tirkiyê wekî rêza 3yem û ya sînorên Sûriye-Iraqê jî wekî xetera rêza 4em hatiye nîşandin.

Wezareta Derve ya Amerîkayê navê çend bajarên Bakurê Kurdistanê yên wekî Batman, Bedlîs, Diyarbekir, Entab, Hatay, Kilîs, Mêrdîn, Riha, Şirnex, Dersîm û Wanê jî rêz kiriye ku dibe li wan deveran hemwelatiyên Amerîkî bikevin tengaviya xizmetên lezgîn.