IYI Partiyê xwest ku parêzbendiya Leyla Guven were rakirin

PeyamaKurd – IYI Partiyê bi daxuyaniyekê xwest ku parêzbendiya Parlementara Colemergê ya HDPê û Hevseroka KCDê Leyla Guven were rakirin. Di daxuyaniyê de tê gotin ku ‘sebra dewletê tine lê helwesta wê heye.’

Partiya nijadperest a IYI Partiyê daxıyaniyekê nivîskî weşand û tê de daxwaz kir ku ku parêzbendiya Parlamentara Colemergê ya Partiya Demokratîk a Gelan (HDP) û hevseroka Kongreya Civaka Demokratîk  (KCD) Leyla Guven were rakirin.

IYI Partî amaje dike ku Leyla Guven propogandaya PKKê dike û mafê wê tine wekî parlementer bimîne.

Di daxuyaniya ku tê xwestin parêzbendiya Guven were rakirin wiha tê gotin:

 “Meclisa Bala ya Tirkiyê (TBMM) divê tavilê parêzbendiya parlementera Colêmergê rake, ji bere w dibêje wê beşdarbûna gerîla zêde bibe, wê şer û pevçûn çêbin. Mafê keseke wiha tine ku ji derfetên demokratik sûdê wergire. Dema daxuyaniyên wiha bêne kirin dê ev daxuyanî cesaretê bide PKKê.”