Îsraîl: Wê hêzên me li lûtkeya Çiyayê Sêx ê Sûriyê bimînin

PeyamaKurd - Wezîrê Berevaniyê yê Îsraîlê Yesrail Katz, ragihand ku ji ber geşedanên ewlekariyê yên li Sûriyeyê, dê hêzên wan hebûna xwe ya li herêma tampon a Sûriyê berdewam bikin.

Katz, ji artêşê xwest ku hêzên wê li lûtkeya çiyayê Şêx ê Sûriyeyê di mehên zivistanê de xwe bi cih bikin.

Katz diyar kir ku ji ber rewşa dijwar a hewayê pêwîstî bi amadekariyeke mezin ji bo leşkeran li lûtkeya wî çiyayî, heye.

Hêjayî gotinê ye, piştî ketina rejîma Beşar Esed, Îsraîlê bi sedan êrîşên asmanî li dijî baregehên leşkerî yên stratejîk ên Sûriyeyê pêk anîn û herêma bêçek a Cewlan a Sûriyeyê, kontrol kir.