SOHR: Pistî êrîsên Îsraîlê hêzên Îranî car din xwe li Sûriyê bicih dikin

PeyamaKurd – Hat ragihandin ku piştî êrîşên çend rojên dawî li Bukemal a Dêrazorê û li ser sînorên Iraq-Sûriyê yên Îsraîlê bi ser hêzên çekdarên Îranî de, milîsên îranî car din xwe li nav Sûriyê bicih dikin.

Çavdêriya Mafên Mirovan li Sûriyê (SOHR) ragihandiye; “Hêzên Îranê û mîlîsên girêdayî wan careke din li nava bajarê Dêrazorê û Bukemal û Meyadîn a rojhilatê Dêrazorê bi cih bûn. Herwiha hin xalên xwe yên li derdora wan herêman vala kirin û ji tirsa êrîşên nû yên Îsraîlê li dijî wan, di nava taxên sivîlan de bi cih bûn.”

SOHRê eşkere kir ku; 57 endamên hêzên hikumetê, hêzên Îranê û mîlîsên alîgirên wan hatine kuştin di êrîşa dawî ya Îsraîlê de.