Iraqê 3 milyon û 650 hezar bermîl petrol hinardeyî Urdinê kir

PeyamaKurd – Hat ragihandin ku Iraqê bi qasî 3 milyon û 650 hezar bermîl petrol hinardeyî welatê Urdinê kiriye.

Serokê Petrol û Gazê di Wezareta Enerjî û Çavkaniyên Sirûştî ya Iraqê de, Îman Avad petrola ku bo Urdinê hatiye hinardekirin eşkere kir.

Avad ragihand ku di navbera mehên Îlon û Kanûnê yên sala 2021ê de, ji Iraqê li beramber 490 ton petrola xam, 3 milyon û 650 hezar bermîl petrol hatiye şandin.

Berpirsê Iraqê diyar kir ku ew hinardeya petrolê ya bo Urdinê di çarçoveya rêkeftina navbera herdu welatan de hatiye kirin û wê berdewam bike.