Iraq | Li Neynewayê 13 DAISî hatin girtin

PeyamaKurd - Şaneya Ragihandina Ewlehiya Iraqê ragihand ku li parêzgeha Neynewayê 13 endamên rêxistina terorîst DAIŞê hatine girtin.

Şaneya Ragihandina Ewlehiyê ya Iraqê daye xuyakirin, operasyonên bi hevkariya îstixbaratê û lêpirsînên federal yên Wezareta Navxwe ya Iraqê li dijî DAIŞê dewam dikin û piştî şopandin û agahiyan, li parêzgeha Neynewa 13 DAIŞî hatin girtin.

Herwiha ajansa Wai belav kiriye, kesên hatine girtin li xwe mikur hatine ku ew girêdayî DAIŞê ne.