Îran nema av û elektrîkê difrose derve

PeyamaKurd- Wezîrê Enerjiyê yê Îranê Riza Erdekaniyan ragihand ku bi sedema pêdiviya welatê wan bo av û elektrîkê, nema av û elektrîkê didin welatên cîran û bi temamî dan rawestandin.

Li gor ajansa xwendevanan ya ISNA yê, wezîrê enerjiyê yê Îranê Erdekaniyan bo pirsgirêka av û elektrîka welat agahî da çapemeniyê. Erdekaniyan got ku bi sedema pirsgirêkên enerjiyê nema enerjiyê didin Pakistan, Afxanistan û Iraqê.

Erdekaniyan got ku eger enerjiyê bifroşin derve, wê zêdetir elektrîka nav welatê wan bê birîn. Di mijara avê de jî wezîr got ku mijara avê gelek tevliheve û bo çareserkirina mijarê divê herkes hewl bide.