Îranê 2 hezar û 640 fuzesavar li hêzên deryavanî zêde kir

PeyamaKurd – Hate ragihandin ku Sûpaya Pasdarên Îranê, 2 hezar û 60 fuzesavar, hejmarek zêde balafirên bêmirov û navgînên din ên şer li hêzên deryavaniya xwe zêde kir.

Fermandarê Pasdaran Huseyîn Selamî, li bajarê Bender Ebas ê eyaleta Hurmuzganê dema radestkirina fuzeyan bo Sûpaya Pasdaran axivî û got, wan 2 hezar û 60 fuzesavar, hejmarek zêde balafirên bêmirov, radarên deryavaniyê û navgînên din ên sîstemên şer li hêzên deryavaniya xwe zêde kirine.

Di nûçeya medya fermî ya Îranê de hatiye diyarkirin ku cebilxaneyên li artêşê hatine zêdekirin, yên teknolojiya pêşketî ne ku fuzeyên xwedî serikên bi bandor û alavên radar bi wan nahese jî hene.